Alǵash ret sıren beımezgil gúldedi.
Almatyda botanıkalyq baqtyń «Sırıngarıı» koleksıalyq ýchaskesinde tarıhta alǵash ret kúzde sıren gúldedi, dep habarlaıdy Almaty-akshamy.kz.
18 qazanda botanıkalyq baqtyń Instagram paraqshasynda tabıǵattyń erekshe qubylysy týraly vıdeo jarıalandy.
Iaǵnı, baqtyń «Sırıngarıı» koleksıalyq ýchaskesinde alǵash ret sıren beımezgil gúldedi.
«Ýchaskeniń kýratory Vıktor Degtev jaqynda isingen búrshikterdi baıqaǵan, alaıda, jaıqalyp gúl jaıady dep kútken joq. Sırenniń sortty emes, jabaıy túrleri gúldedi. Mamandar kúzde sırenniń gúldeýin qazan aıyndaǵy anomaldy jyly aýa raıymen baılanystyrady. Al, biz tabıǵattyń erekshe qubylysyna kýá bolǵanymyzǵa qýanyshtymyz», - delinedi vıdeo astyndaǵy jazbada.
Sondaı-aq, vıdeo avtorlarynyń málimetinshe, botanıkalyq baqta sırenniń Qazaqstandaǵy eń iri jáne Ortalyq Azıadaǵy jalǵyz koleksıasy bar.
Ýchaskeniń aýmaǵy – 1,8 ga. Qazirgi ýaqytta koleksıada álemdik jáne qazaqstandyq seleksıanyń 23 túri men 107 sorty ósiriledi.
«Onyń ishinde 20-dan astam gıbrıd pen kóshetterdi bizdiń baqtyń ǵylymı qyzmetkerleri ósirdi. Koleksıada barlyǵy 2000-nan astam sıren butasy bar. Bıylǵy jyldyń kókteminde gúldeý kezinde biz «Sırıngarıa» boıynsha eksklúzıvti serýender ótkizdik, onda kelýshiler baqtaǵy sırenniń barlyq túrimen tanysty. Kelesi kóktemde biz bul serýenderdi qaıtadan bastaýdy josparlap otyrmyz, sebebi, sırenniń gúldeýin kórgisi keletinder óte kóp», - delinedi habarlamada.
Posmotret etý pýblıkasıý v Instagram