Biraq olar turǵyn úı, kólik jáne basqa da shyǵyndardy ózderi tóleýi kerek.
Reseılik TikTok keńsesiniń qyzmetkerlerine Reseıde ishinara mobılızasıa jarıalanǵannan keıin Qazaqstanǵa, Armenıaǵa nemese Qyrǵyzstanǵa kóshý týraly usynys aıtyldy, dep habarlaıdy Almaty-akshamy.kz
Qazan aıynyń ortasynan bastap TikTok kompanıasy óziniń Reseıdegi qyzmetkerlerine turýǵa ruqsat bergen kez kelgen elde jumys isteýge múmkindik bergen bolatyn. Biraq bul úshin olar Reseıge oralyp, eńbek shartyna qosymsha kelisimge qol qoıýy kerek edi.
Jyl basynda Reseıdiń TikTok keńsesinde 200-300 adam jumys istegen. Biraq esepterge qaraǵanda árbir úshinshi qyzmetker basqa elge kóship ketken kórinedi. 2022 jyldyń naýryzynda TikTok áleýmettik jelisi Ýkraınadaǵy arnaıy áskerı operasıaǵa jáne feıkter týraly jańa zańnyń qabyldanýyna baılanysty Reseıdegi qyzmetin toqtatqan bolatyn. Platforma Reseıde jańa kontent taratýdy jáne tikeleı efırge shyǵý múmkindigin shektedi.
Esterińizge salsaq, 26 qazan kúni Shyǵys Eýropadaǵy Tik Tok jahandyq bıznes sheshimderiniń jetekshisi Anastasıa Panına óziniń Linkedln paraqshasynda Qazaqstannan TikTok kompanıasynyń keńsesin ashýdy josparlap jatqandyǵyn habarlaǵan bolatyn.