Mustafa Óztúriktiń eskertkishi Almaty oblysy, Talǵar ózeniniń boıyndaǵy qaraýsyz qalǵan karerde turǵany eldiń ashýyna tıdi.
Mustafa Óztúrik – taekvondodan qara belbeý sheberi, taekvondo jekpe-jek ónerin alǵash ret qazaq jerine ákelýshi, myńdaǵan shákirt tárbıelegen ustaz, ult janashyry.
Áleýmettik jelide qyzý talqylanyp jatqan beınege áleýmettik jeli qoldanýshylary túrli pikir bildirýde, dep habarlaıdy Almaty-akshamy.kz.
Olar elimizdiń sport salasy úshin baryn salǵan azamattyń árýaǵynan uıat boldy deıdi.
Osyǵan deıin velosıpedpen Túrkıa elin baǵyndyrýǵa attanǵan belgili jýrnalıs, aýdarmashy Ernat Melsuly Mustafa Óztúriktiń elimizde jastar arasynda quny báseńdegenin aıtqan edi.
«Osy saparǵa shyǵýyma meni shabyttandyrǵan – Mustafa Óztúrik bolatyn. Mustafa Óztúrik biz táýelsizdigimizdi alǵan kezde, elge qyzmet etemin dep Túrkıada júrgen jerinen elge oraldy.Brús Lıden artyq bolmasa, kem emes sportshy. Mustafa Óztúriktiń ultjandyǵyn, batyldyǵyn, elin súıgenin biz bilemiz. Biraq, qazirgi jastar kóp bile bermeıdi. Ondaı tulǵany qazirgi urpaq bilýi kerek. Ulttyq ıdeologıa degen osy. Sol aǵamyzdy úlgi tutamyn. Sondyqtan sapar sońyn Gúneshli aýdanyndaǵy Mustafa Óztúriktiń zıratyna baryp, quran baǵyshtaýmen aıaqtaýǵa nıet ettim», - degen edi.
Iá, 2024 jyly Mustafa Óztúriktiń týǵanyna 70 jyl tolady. Tarıhı tulǵanyń jańa eskertkishi salynyp, qurmet kórsetilgende, eski eskertkish osylaı qoqysta qalmasa ıgi deımiz. Bul eskertkishtiń de qoqysta kórinis tabýy sol jasalý sheberligi jurtshylyqtyń kóńilinen shyqpaǵan eski nusqadaǵy eskertkish bolýy múmkin.