Reseıde málimetter qoryna júktelgen Omicron BA.1 genomdarynyń úlesinde Spike:R346K mýtasıasy bar ekeni baıqaldy.
Bul jóninde Rospotrebnadzordyń Ortalyq epıdemıologıa ǵylymı-zertteý ınstıtýtynyń sekvenırleý tehnologıalaryna negizdelgen jańa dıagnostıkalyq ádisterdi ázirleý jónindegi ǵylymı toptyń jetekshisi, Kamıl Hafızov málim etti, dep habarlaıdy Almaty-akshamy.kz «Izvestıa». basylymyna silteme jasap.
Onyń aıtýynsha, Omicron BA.1 negizgi jelisinde salystyrmaly túrde az ǵana genetıkalyq ártúrlilik jınaqtalǵan.
«Spaık aqýyzynda sekvenırleý nátıjeleri boıynsha jańa alynǵan mýtasıalar -R346k - S aqýyzynyń fragmenti tabyldy, (buryn «Mú» nusqasynda tabylǵan) onyń kómegimen vırýs adam jasýshasynyń betindegi reseptorǵa qosylady»,-dedi Hafızov.
Ǵalymdar Reseı ǵylym akademıasynyń «Tirshilik týraly ǵylymdar» ǵylymı keńesiniń Omicron-ǵa arnalǵan otyrysy aıasynda habarlaǵandaı, Spaık aqýyzyndaǵy R346K mýtasıasy bar BA.1 nusqasy BA.1.1 dep belgilendi.
Onyń qaýiptiligi sol - birqatar mamandar bul mýtasıa vırýstyń antıdenelerge ustatpaı ketýine septigin tıgizedi dep alańdaýly.
Alaıda Ortalyq epıdemıologıa ǵylymı-zertteý ınstıtýty bul aqparatty rastamady. Kamıl Hafızovtyń aıtýynsha, onyń juqpalylyǵyna, aýrýdyń aǵymyna jáne emdelýge áser etetini týraly eshqandaı dálel joq.
«Ártúrli derekkózderge sáıkes, osy mýtasıamen Omicron jıiliginiń ulǵaıý jyldamdyǵy BA.1 jelisiniń basqa túrlerimen shamamen birdeı, sondyqtan taralýy turǵysynan aıtarlyqtaı artyqshylyqtar bolmaýy múmkin», dedi «Izvestıaǵa» suhbat bergen Kamıl Hafızov.
Ǵalymdar bul qosalqy nusqanyń qosymsha zertteýdi qajet etetinin atap ótti.