1 aqpannan bastap menshiktegi maldy tirketý kerek.
Qazaqstan Úkimeti memleket azamattarynyń menshigindegi maldy tirketýge shaqyryp otyr, dep habarlaıdy Almaty-akshamy.kz.
Mamandardyń aıtýynsha, osy arqyly tirkelmegen aýyl sharýashylyǵy janýarlaryn birdeılendirý jáne tirkeý jónindegi jumysty aıaqtaýǵa bolady.
«Aýyl sharýashylyǵy mınıstri Erbol Qarashókeev «Aýyl sharýashylyǵy janýarlaryn birdeılendirý» derekter bazasynda «Jasyl dáliz-3» fýnksıonalyn iske qosýdy tapsyrdy. Bul tirkelmegen aýyl sharýashylyǵy janýarlaryn birdeılendirý jáne tirkeý jónindegi jumysty aıaqtaýǵa múmkindik beredi», - dep jazdy ASHM-niń baspasóz hatshysy Damır Aspan Facebook-tegi paraqshasyna.
Fýnksıonal 2022 jylǵy 1 aqpannan 31 mamyrǵa deıin jumys isteıdi dep josparlanyp otyr jáne bul tek arnaýly aımaqqa ǵana emes, búkil eldiń sharýashylyǵyna qatysty.
«Mınıstr aýyl sharýashylyǵy janýarlaryn birdeılendirý erejelerine, sondaı-aq tirkelmegen janýarlardy tirkeýde birdeılendirý jónindegi derekqordy qalyptastyrý jáne júrgizý qaǵıdalaryna ózgerister men tolyqtyrýlar engizýdi tapsyrdy. Buǵan qosa derekqorǵa túzetýler engizý algorıtmin ázirleý boıynsha jumysty jedeldetý qajet. Dedlaın bıylǵy jyldyń mamyr aıynyń sońyna deıin. Qazaqtyń shuraıly jerin basyp, shóbin jep júrgen ár mal esepte bolýy tıis, tartyp alady, salyq ulǵaıtady degen syndy jansaq pikirden aýlaq bolyńyzdar, aǵaıyn», - dep jazdy Damır Aspan.
Mamandardyń aıtýynsha, «Jasyl dáliz – 2» aıasynda júrgizilgen jumystardyń qorytyndysy boıynsha, tek Mańǵystaý oblysynda qosymsha 71 343 aýyl sharýashylyǵy janýary tirkelgen edi.