El prezıdenti Vladımır Pýtın jarıalaǵan demalys kúnderi elde qarashanyń 8-ine qaraǵan túni aıaqtaldy.
Reseı Federasıasynyń alty aımaǵynyń bıligi koronavırýstyq pandemıaǵa baılanysty jumys istemeıtin kúnderdi uzartý týraly sheshim qabyldady, dep habarlaıdy Almaty-akshamy Lenta.ru saıtyna silteme jasap.
Bránsk, Tomsk, Smolensk, Kýrsk, Chelábi, Novgorod oblystarynda demalys kúnderi taǵy birneshe kúnge sozylady.
TASS agenttiginiń habarlaýynsha, atalǵan aımaqtardaǵy demalys kúnderi taǵy birneshe kúnge sozylady, biraq bir aptadan aspaıdy. Reseı Federasıasynyń osy óńirleriniń ákimshiligi mundaı qadam adamdar arasyndaǵy qarym-qatynastyń azaıýyna baılanysty medısınalyq mekemelerdiń júktemeni jáne koronavırýsty juqtyrǵandar sanyn azaıtýǵa kómektesedi dep otyr.
Reseı prezıdenti Vladımır Pýtın jarıalaǵan jumyssyz kúnder elde qarashanyń 8-ine qaraǵan túni aıaqtaldy. Biraq demalysty uzartý týraly sheshim qabyldaý quqyǵy ár oblystyń ózine berilgen.
Máskeý men Máskeý oblysy koronavırýstyq pandemıaǵa baılanysty jaǵdaı turaqtandy dep esepteıdi. Degenmen, el astanasynda birqatar shekteýler jalǵasady. Atap aıtqanda, úı rejımin saqtaıtyn azamattardyń qoǵamdyq kólikte jeńildikpen jáne tegin júrýi toqtatylady. Bul topqa sozylmaly aýrýy bar azamattar, 60 jastan asqan máskeýlikter, sondaı-aq ekpe almaǵan jáne sońǵy alty aıda COVID-19 juqtyrmaǵandar jatady. Sonymen qatar, teatrlar men murajaılarǵa tek QR kodyn kórsetkender ǵana kire alady.
Reseıde sońǵy táýlikte koronavırýs juqtyrǵan 39 165 adam anyqtaldy. Ótken táýlikte 1179 adam indetten qaıtys bolǵan.