Qala turǵyndary men qonaqqa kelýshiler kóp baratyn bul oryn 1937 jylǵy 7 qarashadan bastap jumys istep keledi.
Almatydaǵy haıýanattar baǵy óziniń 84 jyldyǵyn atap ótýde, dep habarlaıdy Almaty-akshamy.kz
«Osy jyldar ishinde kóptegen qýanyshty oqıǵalar boldy. Ekspedısıalar, Keńes Odaǵynyń qalalaryna, Dýrov sırkine saıahattar jasaldy, 70-jyldary bizde bes pil týdy, 80-jyldary – bir jup begemottan on begemotqa kóbeıdi, 2006 jyldan bastap 15 keriktiń tóli ómirge keldi. Ótken ǵasyrdyń 90-jyldaryndaǵy qıyn kezeńderdi haıýanattar baǵy da bastan keshirdi, biraq saqtalyp qaldy», - dep eske alady haıýanattar baǵynyń qyzmetkerleri tarıhtyń keıbir sátterin.
Túrli jaǵdaılarǵa qaramastan, Almaty haıýanattar baǵy burynǵydaı elimizdiń basty haıýanattar baǵy sanalyp, jaqsy jaqqa ózgerip, zaman talabyna saı damyp keledi.
Toǵandardy qalpyna keltirý jumystary bastalyp, aıýlar men qasqyrlarǵa arnalǵan jańa qorshaýlar salyndy. Bul jetistikterge Almaty haıýanattar baǵy qyzmetkerleriniń talaı býynynyń eńbegi, kúsh-jigeri jumsaldy.
«Alda kóptegen josparlar men ıdeıalar bar, biz olardy mindetti túrde júzege asyramyz. Týǵan kúnimizben quttyqtaǵan lebizderińizdi qabyldaımyz», - delingen haıýanattar baǵynyń Instagram paraqshasynda jarıalanǵan habarlamada.