One Stop Service ortalyǵy Prezıdent janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń qoldaýymen jumys isteıdi, dep habarlaıdy Almaty-akshamy.kz
«One Stop Service konsepsıasy – bul jerde bastapqy bir rettik zańgerlik jáne psıhologıalyq kómekti tegin alýǵa bolady. Áıelder men balalar ortalyqqa ózi habarlasa alady nemese kele alady. Aıta ketý kerek, bizge tek almatylyqtar nemese oblys turǵyndary ǵana emes, barlyq óńirlerden kelgen qazaqstandyqtar júgine alady», - deıdi bastama avtory, Ulttyq komısıa múshesi, belgili zańger, quqyq qorǵaýshy Aıman Ýmarova.
Ol Qazaqstanda sot-psıhologtary – osy salada jumys isteıtin sarapshylardyń paıda bolýy mańyzdy dep sanaıdy. Sondaı-aq, kámeletke tolmaǵandardan jaýap alý ádistemesin ázirleý týraly usynys jasady.
«Qazirgi kezde zorlyq-zombylyqty bastan ótkergen kishkentaı qyzdar men uldardan jaýap alý tásili óte qorqynyshty. Balalar qosymsha psıhologıalyq jaraqat alady», - dep túsindirdi ol.
Quqyq qorǵaýshy elde zorlyq-zombylyq qurbandaryn ońaltý baǵdarlamalary qajet ekenin de atap ótti.