Olardyń basym bóligi - Germanıa men AQSH kompanıalary.
Reseıden 40-tan astam sheteldik kompanıa Qazaqstanǵa qonys aýdaryp jatyr. Bul týraly QR Syrtqy ister mınıstriniń orynbasary Almas Aıdarov aıtty, dep habarlaıdy Almaty-akshamy.kz QazAqparatqa silteme jasap.
Elordada ótken Qazaqstan-german bıznes forýmy aıasynda BAQ ókilderine suhbat bergen Almas Aıdarovtyń dereginshe, Qazaqstan reseılik naryqtan ketýge nıet tanytyp otyrǵan 20-dan astam eldiń 300 kompanıasyna qyzyǵýshylyq tanytyp otyr. Olardyń basym bóligi Germanıa men AQSH kompanıalary ári negizinen ónerkásip, saýda jáne aqparattyq tehnologıalar salasynda jumys isteıdi.
«Biz qyzyǵýshylyq tanytqan 300 kompanıanyń 50-i birden kóshý josparlary joqtyǵyn, ahýaldyń munan ary qalaı damıtynyn kútip otyrǵandyqtaryn aıtty. 44 kompanıamen ýaǵdalastyq bar. Olar qazirgi ýaqytta keńselerin nemese qyzmetkerleri ne óndiristerin bizge kóshirip jatyr», - dedi mınıstr orynbasary.
Onyń aıtýynsha, eń birinshi bolyp amerıkalyq Honeywell korporasıasy keńsesin Reseıden Almatyǵa kóshirdi. Basqarý jáne avtomattandyrýdyń elektrondy júıesin shyǵaratyn kompanıanyń aınalymy búkil Qazaqstannyń ishki jalpy óniminen asyp túsedi.
«Kompanıalardyń kópshiligi Qazaqstanǵa kele almaıdy. Óıtkeni, ekonomıkamyzdyń kólemi olarǵa jetkiliksiz. Biraq, olardyń barlyǵy úshin Eýrazıa naryǵynda qalý qyzyqtyryp otyr. Olar Reseıde jumys isteı almaıdy. Biraq, eýrazıalyq naryqta qalýǵa nıetti. Al biz úshin olar óndiristerin ashpasa da, tym bolmaǵanda, keńselerin ashýy óte mańyzdy», - dedi Almas Aıdarov.