Almatylyqtar Joldaýǵa qatysty oı-pikirlerin, usynystaryn ortaǵa saldy.
Almaty qalasynyń Qoǵamdyq keńes músheleri onlaın konferensıa ótkizdi.
Jıyn Prezıdent Qasym-Jomart Toqaevtyń «ÁDİLETTİ MEMLEKET. BİRTUTAS ULT. BEREKELİ QOǴAM» atty Joldaýyn talqylaý aıasynda uıymdastyryldy.
Olardyń árqaısysy óz salalary boıynsha Joldaýda aıtylǵan máselelerdi sheshý joldaryn usyndy. Máselen, «Jańa ǵasyr» áleýmettik kúrdeli aýrýlardyń aldyn alýǵa arnalǵan assosıasıa basshysy Nurjan Baýyrjanuly jastar arasynda nashaqorlyqtyń asqynyp turǵanyn, osy máseleni sheshý úshin naqty sharalar qoldaný qajettigin alǵa tartty.
«Qazaqstandaǵy daǵdarys ortalyqtary odaǵynyń» tóraǵasy Zýlfıa Baısakova da óz pikirin bildirdi. Ol Joldaýda aıtylǵandaı, bala kútimimen úıde otyrǵan áıelderge tólenetin járdemaqy 1 jyldan 1,5 jylǵa deıin uzartýdyń ekinshi jaǵy da bar ekenin aıtty. «Áıelder úıde uzaǵyraq otyrǵan saıyn, otbasylyq zorlyq-zombylyqqa ushyraýy múmkin, bul jaǵyn da oılaý kerek» - dedi ol.
Almaty qalasy Qoǵamdyq keńesiniń tóraǵasy Altynaı Kóbeeva spıkerlerdi muqıat tyńdap, ár aıtylǵan usynystyń hattamaǵa engiziletinin aıtty.