Reseıde asa kúrdeli jaǵdaı oryn aldy. Jekemenshik áskerı kompanıanyń jetekshisi Evgenıı Prıgojın qarýly búlikke shaqyrdy dep aıtyptalyp, ústinen qylmystyq is qozǵaldy. İsti Federaldyq qaýipsizdik qyzmeti qozǵaǵan.
23 maýsym, juma kúni keshte «Vagner» jetekshisi Prıgojınniń telegram arnasynda qarýly búlikke shaqyrǵan málimdeme jasady. Onda ol Reseı Qorǵanys mınıstrligine qarasty qarýly kúshterdiń ózderine shabýyl jasap jatqanyn, arıtıllerıalyq jáne áýe soqqysynan vagnerlikter qaza bolyp jatqanyn jetkizgen. Ol sózinde «ádildik ornatý úshin» eldiń áskerı basshylyǵyna qarsy búlik bastaǵanyn málimdegen.
Reseı Qorǵanys mınıstrligi taratqan málimdemede Prıgojınniń atynan taratylyp jatqan málimetterdi «arandatý» dep baǵalaǵan.
Biraq, Reseıdegi aqparat quraldary Dondaǵy Rostov qalasynda áskerı is-qımyldardyń bolyp jatqynyn habarlaýda.
Rostovtan Máskeýge deıin áskerı blokposttar qoıylǵanyn BBC de óziniń aqparat kózderine silteı otyryp málimdedi.
Prıgojınniń málimdemesinde eldiń prezıdentinen tartyp, barlyq saıası bıligi ornynda bolatynyn, áskerı basshylyqqa qarsy kúresetinin jetkizgen.
Sarapshylar bul jaǵdaıǵa qatysty túrli joramal aıtýda. Bireýleri Ýkraına tarabynyń kezekti arandatý áreketi bolýy múmkin dese, endi biri qarýly búliktiń bolýy shyndyqqa jaqyn deıdi. Sebebi, RF Qorǵanys mınıstri Shoıgý men jaldamaly jasaqtardyń jetekshisi Prıgojın arasynda osyǵan deıin de alaýyzdyq bolyp kelgen edi.