Qazaqstan Respýblıkasynyń Reseı Federasıasyndaǵy elshiligi Qazaqstan azamattaryn Reseıdiń Ýkraınamen shekaralas aımaqtaryna barýdan bas tartýyn eskertip, úndeý jarıalady
«Reseıdiń Ýkraınamen shekaralas aımaqtarynda oryn alyp otyrǵan qaýipsizdik jaǵdaılaryna baılanysty, atalǵan aımaqtarǵa barýdan bas tartýdy suraımyz.Reseı Federasıasynda, ásirese Ýkraınamen shekaralas aımaqtarda júrgen elimizdiń barlyq azamattarynan Qazaqstannyń Reseıdegi Elshiliginde konsýldyq esepke turýlaryńyz mindetti túrde usynylady (konsýldyq esepke silteme boıynsha onlaın turýǵa bolady). Tótenshe jaǵdaılar týyndaǵan jaǵdaıda Qazaqstan Respýblıkasynyń azamattaryna bar qajetti kómek pen qoldaý kórsetiletin bolady. QR RF Elshiliginiń jedel jeli telefony: +7-925-897-71-14» delingen Qazaqstan Respýblıkasynyń Reseı Federasıasyndaǵy elshiligi joldaǵan resmı habarlamada.