Dertke Eýropadan oralǵan jas jigit shaldyqqan.
Reseıde maımyl sheshegin juqtyrýdyń alǵashqy jaǵdaıy tirkeldi, dep habarlaıdy Almaty-akshamy.kz Interfax.ru silteme jasap.
«Reseıde maımyl shesheginiń alǵashqy jaǵdaıy rastaldy. Dertke shaldyqqan jigit Eýropa elderine saparlaı baryp, elge oralǵan kezde denesi bórtip ketken. Ol der kezinde medısınalyq mekemege júgindi», – dep jazylǵan "Rospotrebnadzor" jarıalaǵan habarlamada.
"Rospotrebnadzor" aýrýdyń jeńil túrde ekenin, naýqastyń ómirine eshqandaı qaýip tónip turmaǵanyn jarıalady. Jigit oqshaýlanǵan. Qazir ol ınfeksıalyq beıindegi medısınalyq mekemede em qabyldap jatyr.
"Rospotrebnadzor" ınfeksıanyń odan ári taralý múmkindigi toqtatylǵanyn málimdedi. Sonymen qatar vedomstvo elde maımyl sheshegin anyqtaýǵa arnalǵan reagentterdiń jetkilikti ekenin habarlady.