Segiz kúnnen beri qaıtys bolǵandar sany 900-den azaıar emes
13 qazandaǵy jaǵdaı boıynsha, 984 adam qaıtys bolǵany tirkelgen. DDSU deregine sáıkes, sońǵy 7 kúnde KVI-den elde 6649 adam qaıtys bolyp, álemde ekinshi orynǵa shyqty, dep habarlaıdy Almaty-akshamy.kz QazAqparat saıtyna silteme jasap.
AQSH-ta bul kórsetkish 9443 adamdy kórsetken. Bılik jaǵdaıdy turaqtandyrý úshin qosymsha sharalar qoldanyp jatyr. Halyqty vaksınalaý, sonyń ishinde egde jastaǵy adamdar men táýekel tobyna jatatyn adamdarǵa ekpe egý tıimdi dep esepteıdi.
Sondaı-aq, Máskeý bıligi 10 mekteptiń oqýshylaryna tegin ekspress-test jasaýdy engizbekshi. 1-11 synyp oqýshylary, mektepke deıingi daıarlyq tobyndaǵy balalar eki aptada bir ret test tapsyrmaq. Bul shara qashyqtan oqýǵa ketetin synyptar sanyn azaıtýǵa múmkindik beredi dep kútilýde.
Reseıde sońǵy táýlikte 28717 adam koronavırýs juqtyrǵan, Máskeý, Sankt-Peterbýrg jáne Máskeý oblysy kóp bastap tur – sáıkesinshe 4 410, 4 470 jáne 1 898 adam.