Stomatologıalyq aýrýlardy tıimdi emdeý tásilderi talqylandy
Qazaqstanda stomatologıalyq emhanalar negizinen iri qalalarda shoǵyrlanǵan. Al aýyldyq jerlerde maman jetispeıdi, dep habarlaıdy Almaty-akshamy.kz.
Ásirese, balalar stomatology, bet-jaq hırýrgteri tapshy. Degenmen salada birqatar is atqarylyp jatyr. Jıynda terapıalyq, ortopedıalyq, hırýrgıalyq, balalar stomatologıasy men dentaldy ımplantologıa salalaryn damytý jaıy kóterildi.
Bul kongres Qazaqstan stomatologtary qaýymdastyǵynyń 30 jyldyǵyna oraı uıymdastyryldy.
«Qazir stomatologıada ınovasıalyq tehnologıa keńinen qoldanylady. Aýrýdy asqyndyrmaý úshin fýnksıonaldy dıagnostıkaǵa basymdyq berilýde. Onyń mańyzy zor. Osyǵan baılanysty kongreste 12 elden kelgen mamandar ózderiniń is tájirıbelerimen bólisti. Sonymen qatar pandemıa kezinde medısınalyq kómek kórsetýdiń sapasyn arttyrýǵa qatysty baıandamalar oqyldy», - deıdi Qazaqstan stomatologtary qaýymdastyǵynyń basqarma tóraıymy Maıra Kókbaeva.