Egde jastaǵy lıtvalyqtarǵa vaksına alǵandary úshin tóleıdi
El Parlamenti vaksına saldyrǵan 75 jastaǵy jáne odan asqan zeınetkerlerge 100 evro kóleminde kómek retinde bir rettik tólemaqy beriletin zań jobasyn qabyldady, dep habarlaıdy Almaty-akshamy.kz Evronús saıtyna silteme jasap.
Ekinshi áreketten maquldanǵan qujatty qoldaý úshin 68 depýtat óz oıyn bildirdi, úsheýi qarsy daýys berdi, jeteýi qalys qaldy.
Lıtvanyń premer-mınıstri Ingrıda Shımonıte osyǵan qatysty oıyn bylaı jetkizdi:
«Sizderge óte qarapaıym etip túsindireıin - osy arqyly tym bolmaǵanda, birneshe adamnyń ómirin saqtaý múmkin bolsa, onda men adam retinde baqytty bolar edim», - dedi ol.
Zań jobasyn birden qabyldaý múmkin bolmady. Sebebi opozısıa daýys berý úshin tirkelmedi. Qujatqa qatysty syn aıtýshylar bul áreketten paıda az, al quny joǵary bolmaq dep esepteıdi.