Qaıǵyly jaǵdaıǵa baılanysty tergeý bastaldy
22 qazan kúni tańerteń Rázan oblysynda jarylǵysh zat óndiretin «Razrád» kompanıasynyń sehynda órt boldy. Sońǵy málimetter boıynsha, órt saldarynan 15 adam kóz jumdy, dep habarlaıdy almaty-akshamy.kz
Shılov aýdany Lesnoe kentindegi bul oqıǵaǵa qatysty aqparat Tótenshe jaǵdaılar mınıstrligine Máskeý ýaqytymen saǵat 08:22 kezinde habarlandy.
Órt bir qabatty sehta bolǵan jáne onda jarylǵysh zat saqtalǵan. Órt 160 sharshy metr aýdanda aýyzdyqtalyp, qazirgi kezde qyzyl jalyn sóndirildi. Belgili bolǵandaı, seh ǵımaraty tolyqtaı qırap, opyrylyp túsken.
Tek jekeleı qurylystar ǵana órt saldarynan buzylmaǵan. Rázan oblysynyń bıligi 15 adamnyń qaza bolǵanyn rastady. Qaıǵyly oqıǵa boıynsha RF Tergeý komıteti tekserýdi bastap ketti.
Ǵımaratynda órt bolǵan «Razrád» JSHQ ónerkásiptik jarylǵysh zat shyǵarýǵa mamandanǵan. Sonymen qatar kásiporyn oq-dárini ýtılızasıalaýmen aınalysyp keldi.