Almatyda úı karantınin buzǵan «qyzyl» mártebesi bar 169 adamǵa aıyppul salyndy, dep habarlaıdy almaty-akshamy.kz QazAqparat saıtyna silteme jasap.
«Ashyq arqyly 14 kúndik úı karantınin buzǵan 169 almatylyq ákimshilik jaýapqa tartyldy jáne 30 AEK kóleminde aıyppul tóledi», - dep habarlady sanıtarlyq-epıdemıologıalyq baqylaý departamentinen.
SOVID-19 úshin PTR testi oń nátıjeli almatylyqtar qoǵamdyq oryndarǵa, Ashyq qosymshasy boıynsha jumys isteıtin nysandarǵa barǵan. Atap aıtqanda, HQKO, meıramhana, fıtnes ortalyq, áýejaı, kınoteatr, kompúter klýby, mektep, balabaqsha, mektep ınternat, boýlıń, avtoortalyq, qonaq úıler, sulýlyq salony jáne taǵy basqa nysandardyń qyzmetin paıdalanýǵa tyrysqan.
«Qyzyl» mártebedegi adamdar Ashyq jobasy boıynsha jumys isteıtin nysandarǵa kirgizilmeıdi. Sanıtarlyq-epıdemıologıalyq baqylaý departamenti ambýlatorıalyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.
Juqtyrǵandarmen baılanysta bolǵan adamdar da ózin-ózi oqshaýlaý rejımin saqtaýy jáne basqa adamdarǵa juqtyrmaý úshin adamdar jappaı jınalatyn oryndarǵa barýdan bas tartýy tıis.