Sanksıa saldarynan elde avtomobıl óndirisi toqtady.
20-ǵa jýyq kásiporynda jumysshylar uzaq merzimdi aqysyz demalysqa jiberilgen. Shamamen 300 myńǵa jýyq adam jumyssyz qalýy múmkin. Óıtkeni kásiporyndar jumys istemeı tur. Qajetti bólshekterdiń 60-70 paıyzy ózge elderden ımporttalatyn. Reseıde eń joǵary suranysqa ıe avtomobıl bólshekteriniń baǵasy birneshe ese ósti, dep habarlaıdy Almaty-akshamy.kz.
Valúta baǵamynyń turaqsyzdyǵy men logıstıkanyń aıtarlyqtaı kúrdelenýi osyndaı jaǵdaıǵa ákep soqtyrdy.
«Kólikke arnalǵan bólshekterdi izdeýmen kúnimiz ótedi. Buryn Eýropadan bólshekterdi alyp keletinbiz, qazir ondaı múmkindik joq. Qytaıdan arzan taýardy alamyz biraq ol sáıkes kelmeıdi. Ómir súrý qıyndady. Bári qymbattap jatyr», - deıdi kólik júrgizýshisi Maksım Pojıloı.
Qazir avtosalondarda kólik múlde joq. Jalpy, kólik satý 96 paıyzǵa azaıǵan. Sonymen qatar, avtonesıe baǵdarlamasy da múlde toqtady. Sarapshylar máseleni túbegeıli sheshýge birneshe jyl kerek bolatynyn málimdep otyr.