Bıyl qańtar-tamyz aılarynda temirjol kóligimen 13,1 mln adam qatynaǵan.
Segiz aıdyń qorytyndysy boıynsha, temirjol kóligi salasyndaǵy kompanıalardyń kirisi bir jyl burynǵy 739,6 mlrd teńgeniń ornyna 851 mlrd teńgege jetip, qundyq mánde 15,1% ósti, dep habarlaıdy Almaty-akshamy.kz Energyprom.kz-ke silteme jasap.
Kiristiń basym bóligi júk tasymaldaýdan túskenn: 786,4 mlrd teńge. Qalǵan 64,6 mlrd teńge jolaýshylar tasymalyna tıesili.
Bıyl qańtar-tamyz aılarynda temirjol kóligimen 13,1 mln adam qatynaǵan. Bul byltyrǵymen salystyrǵanda 32,6% artyq. Óńirlik turǵyda jolaýshylardyń basym bóligi elordada, Aqtóbe jáne Qyzylorda oblystarynda. Eń azy Batys Qazaqstan oblysynda.
2022 jyly jolaýshylar aınalymy 11,1 mlrd tkm-ge jetti. Bul bir jyl ishinde 38,4% ósti.
Bıylǵy segiz aıdyń qorytyndysy boıynsha temirjol kóligimen 273 mıllıon tonna júk pen bagaj tasymaldandy. Bul bir jyl burynǵy kórsetkishpen shamamen birdeı (mınýs 0,2% ǵana).
Eń kóp júkter men bagaj Aqtóbe jáne Aqmola oblystarynda, sonymen qatar elordada. Eń azy Batys Qazaqstan oblysynda tasymaldanǵan. Elimizdegi júk aınalymy 5,4% ósip, 206,2 mlrd tkm boldy.