Memlekettik kirister komıteti 2024 jylǵy 13 jeltoqsanǵa qaraǵan túnnen bastap «Syrym» avtokólik ótkizý pýnktinde Reseı Federasıasyna qaraı 450-500 jýyq júk kóliginiń jınalǵanyn hmálim etti, dep habarlaıdy aqshamnews.kz.
Júk kólikteriniń jınalýy 2024 jyldyń 12 jeltoqsanynan bastap Batys Qazaqstan oblysy men Reseı Federasıasynyń Samara oblysynyń aýmaǵynda aýa-raıynyń nasharlaýyna baılanysty týyndaǵan — qalyń qar, boran, kóktaıǵaq.
Reseı Federasıasyndaǵy federaldy trassalar boıynsha qozǵalys ýaqytsha shektelgen, jáne Reseı TJM málimetteri boıynsha shekteýler shamamen 2024 jyldyń 13 jeltoqsanynda saǵat 22:00-ge deıin sozylady. Osyǵan baılanysty, júk kólikteriniń qozǵalys baǵyty boıynsha júrip ótý múmkindigi joq jáne olar aýa-raıynyń jaqsarýyn kútýde.
Atalǵan jaǵdaı boıynsha júrgizýshilerge túsindirme jumystary júrgizilýde, ıaǵnı kempıngterde aýa-raıynyń jaqsarýyn kútý nemese basqa oblystardaǵy jaqyn mańdaǵy ótkizý pýnktteri arqyly marshrýtty ózgertý usynylady.