Mamandardyń aıtýynsha, qospanyń quramy tabıǵı zattardan jasalǵan.
Reseılik áskerıler koronavırýstyń aldyn alýǵa arnalǵan shópter men basqa da tabıǵı materıaldar negizindegi bıologıalyq belsendi qospa (BAA) ázirlegenin jáne ony memlekettik tirkeýden ótkizgenin málimdedi, dep habarlaıdy Almaty-akshamy.kz INTERFAX.RU saıtyna silteme jasap.
«Biz ótkizgen synaq «KovBAD» dep atalatyn bıologıalyq belsendi taǵamdyq qospany qoldanýdyń ekinshi kúni muryn-jutqynshaqtaǵy vırýstyń mólsheri eki esege, al altynshy kúni onyń konsentrasıasy 16 esege tómendeıtinin kórsetti», - dedi RF Qarýly Kúshteri radıasıalyq, hımıalyq jáne bıologıalyq qorǵanys áskerleriniń bastyǵy general-leıtenant Igor Kırıllov Reseı qorǵanys mınıstrliginiń «Krasnaıa zvezda» gazetinde jarıalanǵan suhbatynda.
Ol koronavırýstyq ınfeksıanyń aldyn alý quraldary Reseı Federasıasy Qorǵanys mınıstriniń sheshimine sáıkes ázirlenip jatqanyn aıtty.
«Interfaks» agenttiginiń habarlaýynsha, qospany ázirleýshi 48-shi Ortalyq ǵylymı-zertteý ınstıtýtynyń mindeti ásker men halyqty asa qaýipti ınfeksıalardan medısınalyq qorǵaýdy damytý bolyp tabylady.
48-shi Ortalyq ǵylymı-zertteý ınstıtýty reseılik Sputnik V koronavırýsqa qarsy vaksınany ázirleýge jáne synaýǵa qatysqan.