Berlınde dúısenbiden bastap vaksına qabyldamaǵan turǵyndar meıramhana, kınoteatr men basqa da qoǵamdyq oryndarǵa kire almaıdy, dep habarlaıdy Almaty-akshamy.kz «Habar 24»-ke silteme jasap.
Sonymen qatar, ashyq aspan astyndaǵy is-sharalarǵa da egilgen turǵyndar ǵana qatysa alady. Bıliktiń bul sheshimine aımaqtaǵy epıdemıologıalyq ahýaldyń ýshyǵýy túrtki boldy.
Máselen, sońǵy táýlikte Germanıada 50 myńnan astam adam kovıd indetine shaldyqqan. Bul pandemıa bastalǵaly eń joǵary kórsetkish. Jergilikti bılik jaǵdaıdyń ońalmaýyna ár úshinshi turǵynnyń egilmeýi sebep deıdi. Sondyqtan mamandar aımaqta vaksınasıa naýqanyn jyldamdatý kerek degen pikirde.
«Vırýs áli de el turǵyndaryna qaýip tóndirip tur. Kóbi vaksına qabyldaǵanmen, egilmegender de jetkilikti. Sondyqtan ult saýlyǵy úshin barlyq tıisti sharalardy qolǵa alýymyz kerek. Biz barynsha saq bolýymyz tıis», - Germanıa vıse-kansleri Olaf Shols.