Almatyda 23-24 qyrkúıekte saǵat 08:00-den 17:00-ge deıin Abaı oblysy aýyl sharýashylyǵy taýar óndirýshileriniń keńeıtilgen jármeńkesi ótedi.
Oǵan oblystyń 6 aýdanynyń, sonymen qatar, Semeı qalasynyń fermerleri qatysady. Jármeńkede 40-tan astam ónim – et-sút, jemis-kókónis, shujyq ónimderi, ósimdik jáne janýar maılary jáne t.b. usynylady.
Ónimniń jalpy kólemi – 180 tonna, onyń ishinde et ónimderi – 30 tonna, jemis – kókónis ónimderi – 120 tonna, sút ónimderi – 15 tonna, balyq ónimderi – 5 tonna, basqalary-10 tonna.
Keńeıtilgen aýyl sharýashylyǵy jármeńkesi Sh.Ýálıhanov alańynda (Shevchenko kóshesi, Qonaev kóshesinen Pýshkın kóshesine deıin) ótedi.
Nazarlaryńyzdy, 22-24 qyrkúıekti qosa alǵanda, saǵat 8:00-den 17:00-ge deıin Abaı oblysynyń aýyl sharýashylyǵy jármeńkesin daıyndaý jáne ótkizý kezinde Shevchenko kóshesi Pýshkın kóshesinen Qonaev kóshesine deıin jabylatynyna aýdaramyz.