Qazaqstandyqtar Astana men Almatydaǵy Reseı dıplomatıalyq ókildikterine gúl shoqtaryn ákelip jatyr.
Reseı Federasıasynyń Qazaqstandaǵy elshiligi qazaqstandyqtarǵa alǵys bildirdi, dep habarlaıdy Almaty-akshamy.kz
Máskeýdegi "Krokýs" ortalyǵynda bolǵan terakt saldarynan 60-tan astam adam qaza tapty, júzdegen adam jaraqat aldy. Osy oqıǵadan keıin Astanadaǵy elshilikke, sondaı-aq Almatydaǵy dıplomatıalyq ókildiktiń ǵımaratyna gúl aparyp jatqan jáne kóńil aıtyp jatqan qazaqstandyqtardyń legi tolastamaı jatyr. Osyǵan baılanysty elshilik Qazaqstan halqyna óz rızashylyǵyn bildirdi.
"Qazaqstan basshylyǵy, qoǵam ókilderi, otandastar men qarapaıym qazaqstandyqtar tarapynan Máskeýdegi teraktiniń saldarynan kóptegen adamnyń qaza tabýyna baılanysty elshilikke kóptegen qońyraýlar men hat-habarlar túsip jatyr. Kóńil aıtqan jáne tilektestik bildirip jatqan Reseıdiń barlyq dostaryna alǵys aıtamyz", - delingen resmı habarlamada.