Almatyda Naýryz meıramyna oraılastyrylǵan «Tazarý» jalpyulttyq ekologıalyq aksıasy barysynda 427 tekshe metrden astam qoqys jınaldy, 83 birlik tehnıka paıdalanyldy. Eko-aksıaǵa barlyǵy 1500 astam adam qatysty.
İs-shara qalanyń barlyq aýdandaryn qamtydy. Aýdan ákimdikteri shans quraldaryn (qaptar, qolǵaptar, tyrmalar, kúrekter, boıaýlar, valıkter) usyndy.
Eko-naýqan barysynda Kishi Almaty, Esentaı, Úlken Almaty, Qarǵaly jáne Tastybulaq ózenderiniń jaǵalaýy men arnalarynyń aýmaǵynda sý aıdyndaryn tazartý jáne irgeles ýchaskelerdi qoqystardan tazartý jumystary júrgizildi. Sonymen qatar, ózenderdiń jaǵalaý bólikterin qoqystardan, óskinderden tazartý, qoqysqa arnalǵan jáshikterdi, oryndyqtardy boıaý, shaǵyn sáýlet nysandaryn jýý jumystary júrgizildi.
Almaty qalasynyń Ekologıa jáne qorshaǵan orta basqarmasy Túrksib aýdanynyń ákimdigimen birlesip Áýejaı kóliniń jaǵasynda qalanyń jasyl qoryn saqtaý jáne kógaldandyrý maqsatynda 100-den astam aǵash otyrǵyzdy.
