Kıno aptalyǵyna 47 elden 130-dan astam kınoındýstrıa, mádenıet mınıstrlikteri ókilderi men sarapshylar delegat retinde qatysýda, dep habarlaıdy aqshamnews.kz.
Talqylaýdyń negizgi taqyryby – kreatıvti ındýstrıany damytý. Qatysýshylar kreatıvti salany damytý jáne qoldaý strategıalary, álemdegi mańyzdy trendter týraly oılaryn ortaǵa saldy. Bul baǵytta Qazaqstanda atqarylyp jatqan jumystar týraly Mádenıet jáne aqparat vıse-mınıstri Evgenıı Kochetov aıtyp berdi. Vıse-mınıstr kreatıvti ındýstrıany qoldaýǵa arnalǵan zańnamadaǵy jańashyldyqtar men Qazaqstandaǵy talanttardy yntalandyrý baǵytyndaǵy basqa da sharalarǵa toqtaldy.
«Elimizdiń barlyq aımaqtarynda kreatıvti jáne ınovasıalyq ortalyqtar sıaqty mamandandyrylǵan ınfraqurylymdy damytý jobalary júzege asyrylyp jatyr. Sonymen qatar, elimizde qoldaý kórsetýdiń mańyzdy aspekti – kreatıvti ındýstrıa men ınovasıa salasyndaǵy mamandardy daıarlaýǵa baǵyttalǵan bilim berý baǵdarlamalaryn ázirleý», - dep atap ótti Evgenıı Kochetov.
Sondaı-aq, kıno aptalyǵy aıasynda 300-den astam sheteldik fılmderdiń kórsetilimi josparlanǵan.