Almatyda «Atameken» óńirlik kásipkerler palatasynyń alańynda Shyńjań bıznes-palatasynyń ókildigi ashyldy. Aǵymdaǵy jyldyń sáýir aıynda Qytaıdaǵy «Atameken» UKP halyqaralyq yntymaqtastyq alańyn ashqan-tyn. Nátıjesinde úlgi bolatyn turaqty sıpattaǵy yntymaqtastyq jolǵa qoıylyp, Almaty qalasynda iri halyqaralyq bıznes-jobany iske asyrý júrgizilýde. Qytaı ókildigi de osyndaı qaǵıdat boıynsha jumys isteýge nıetti: qytaılyq seriktestermen jumys istegisi keletin qazaqstandyq bıznesmenderdiń ótinimderin qabyldaıdy jáne olardy SÝAR Úkimetine joldaıdy.
Shyńjan bıznes-ókildiginiń ashylý saltanatyna Almatyǵa Aspan asty elinen qonaqtardyń úlken delegasıasy keldi. Onyń quramyna: Úrimshi qalasynyń ekonomıkalyq jáne tehnologıalyq damý aımaǵy partıa komıteti hatshysynyń orynbasary, partıa komıteti hatshysynyń orynbasary, Úrimshi qalasynyń ekonomıkalyq jáne tehnologıalyq damý aımaǵy komersıa basqarmasynyń dırektory, sondaı-aq energetıka, zamanaýı tehnologıalardy damytý, ónerkásiptik jáne tamaq óndirisinde kásibin órge domalatyp otyrǵan iri bıznes-kompanıalardyń basshylary kirdi.
Ashylý saltanaty men halyqaralyq kelissózder barysynda Almaty qalasy «Atameken» ÓKP dırektory Nursultan Shoqanov «Atameken» UKP-nyń Qytaıda ókildigin qurý da, Almatyda SÝAR bıznes–ókildigin ashý da halyqaralyq bıznesti damytý salasyndaǵy jahandyq yntymaqtastyqtyń negizgi bóligi ekenin atap ótti.
Almatynyń bıznes-qoǵamdastyǵy elimizde eń aýqymdy. Megapolıste 410 myń kásiporyn tirkelgen. Shahar qarjy jáne týrızm ortalyǵy bolyp qala beredi, sonymen qatar Qazaqstan úshin týrızm, mashına jasaý, avtomobıl óndirý salasyndaǵy birqatar strategıalyq jobalar iske asyrylýda.
«Qazaqstannyń 20 óńiriniń ishinde bıznestiń belsendi úlesi - 25 paıyz, Almatyǵa tıesili. Sonymen qatar, bul qala Ortalyq Azıaǵa odan ári shyǵýdyń ózindik «qaqpasy» bolyp tabylady. UKP basshylyǵyn, partıa quramynyń, SÝAR Ákimshiliginiń qatysýymen Úrimshi qalasynda ótken kezdesýlerimiz boıynsha tájirıbelik nátıjelerimiz bar. Shekaralas aımaqtardyń saýda-ekonomıkalyq jáne iskerlik qatynastary 30 jyl buryn qalyptasqan. Degenmen, ókildikterdiń ózara ashylýy olardy odan ári nyǵaıtyp, keńeıtýi kerek. Qazaqstan men Qytaı bıznesi arasyndaǵy ózara is-qımyl úshin ınfraqurylym qura otyryp, biz saýdany damytýǵa jáne ınvestısıalar tartýǵa ǵana emes, sonymen qatar ozyq tehnologıalar transferine, adamı kapıtaldy, quzyretterdi damytýǵa da nazar aýdaramyz. Men "Atameken" dırektory, máslıhat depýtaty retinde naqty nátıjelerge qol jetkizý úshin bar kúshimdi salamyn jáne yntymaqtastyǵymyz sátti boldy», - dep sendirdi Nursultan Shoqanov.
Shyńjań bıznes-sektorynyń áleýetin beıneleı otyryp, Úrimshi qalasynyń ekonomıkalyq jáne tehnologıalyq damý aımaǵy partıa komıteti hatshysynyń orynbasary Chen I Úrimshi qalasynyń ekonomıkalyq jáne tehnologıalyq damý aımaǵy - ulttyq damý aımaǵyn, ákimshilik aýdanyn, erkin saýda pılottyq aımaǵyn, halyqaralyq qurǵaq port jáne sý aımaqtary keshenin biriktiretin kópfýnksıonaldy keshendi saıabaq ekenin aıtty. Ol 490 sharshy shaqyrym aýmaqty alyp jatyr. Bıylǵy jartyjyldyqta ǵana Úrimshide sheteldik kapıtaly bar taǵy 25 jańa kásiporyn iske qosyldy.
«Almatyda Shyńjań bıznes-ókildiginiń ashylýymen biz eki el arasyndaǵy memorandým men yntymaqtastyqtyń naqty sharttaryn iske asyrdyq. Munda biz Qazaqstannyń ekonomıkalyq damýynyń joǵary deńgeıin, eki el úshin ınvestısıalyq múmkindikterin atap ótýdemiz. Osylaısha, bizdiń kásipkerlerdi damytý jáne olarǵa qyzmet kórsetý ortalyǵynyń mısıasy óte mańyzdy: ol Qazaqstanda bıznes ashý úshin Qytaıda jumys istegisi keletin Qazaqstan kásipkerlerine jáne Qytaıdyń kásipkerlerine joǵary sapaly qyzmet kórsetetin bolady. Sondyqtan, «Atameken» Ulttyq Kásipkerler palatasy bizdiń kásipkerlerge Qazaqstanda qolaıly jáne áleýetti seriktester tabýǵa kómektesedi dep senemin. Men bul is-sharanyń jemisti yntymaqtastyqqa aparýyna shyn júrekten tilektespin. Qazaqstan men Qytaı arasyndaǵy ekonomıkalyq jáne saýda yntymaqtastyǵyn damytý úshin birlesip jumys isteıik», - dep atap ótti Chen I.
Shyńjań bıznes-palatasy ókildiginiń alańynda «Chjýná Hýlán» bıznes-ınkýbatory da jumysyn bastap ketti. Bıznes-ınkýbator uıymdastyrǵan alǵashqy nátıjeli sharalarynyń biri Qazaqstanda, atap aıtqanda Almatyda jańa kásiporyndar ashýǵa qarajat salǵysy keletin Qytaıdan kelgen ınvestorlardyń jergilikti kásipkerlermen kezdesýi boldy.
«Almatydaǵy bıznes ókildiginiń 100 paıyz quryltaıshysy – Úrimshide ornalasqan «Chjýná Hýlán» Halyqaralyq bıznes-ınkýbatory. Sondaı-aq Sıan, Chendý, Shenchjen qalalarynda birneshe fılıaldarymyz bar jáne biz Qazaqstan bıznesine taýarlardy ilgeriletýge, eseptik, quqyqtyq prosedýlaryn retteýge, Qytaıdaǵy taýarlardy, zaýyttardy izdeýge kómektesemiz. Bıznesti tolyq súıemeldeý jáne Qazaqstan kásipkerlerine Qytaıda yńǵaıly bolýǵa kómektesý, qujattardy beıimdeý jáne súıemeldeý. Jalpy, biz osy jerde, Almaty qalasynyń «Atameken» palatasynda ótinimder qabyldaımyz jáne tıisinshe, bas keńse osy aqparattyń barlyǵyn Qytaıdyń ózinde óńdeıtin bolady. Birlesken jobalar bar, qazaqstandyq bıznes tarapynan óte qyzyqty usynystar boldy, biz bul aqparatty qytaılyq ınvestorlarǵa berdik, budan ári baılanys ornatyp, osy baǵytta jumys isteıtin bolamyz», - dep bıznes-ınkýbatordyń jumysy týraly «SIIP Silk Way International Innovation Park» JSHS bas dırektory Danıar Tursynbekov áńgimelep berdi.
Qytaı bıznes-ókildigi Almaty qalasynda «Atameken» ÓKP alańynda jumys isteıtin bolady. Taraptar turaqty keri baılanys tetigin qurýdy jáne eki eldiń resýrstaryn, ónimderi men ónerkásibin tanystyrý úshin kórme zaldaryn jıi uıymdastyrýdy, birlesken ındýstrıalyq parkter jáne t.b. qurýdy josparlap otyr. Jáne erteń eki el kásipkerleriniń kezdesýi ótedi.