Gınnestiń rekordtar kitabyna engen Sáogýı atty totyqus 10 túrli tústi shatastyrmaı ajyrata alǵan, dep habarlaıdy aqshamnews.kz
Qytaıdyń Henan provınsıasynda Sáogýı atty totyqustyń aldyna 10 túrli tústi plasık ydys pen sondaı tústi shar qoıyldy. Mindet – ár shardy ózine sáıkes ydysqa salý bolatyn. Tapsyrma qıyndaý úshin sharlar ádeıi aralastyryldy. Soǵan qaramastan, Sáogýı ár shardy birtindep alyp, durys ydysqa ornalastyrdy. Ásirese, bir-birine óte uqsas qyzǵylt tústerdi shatastyrmaı ajyrata alǵan sáti kópshilikti tańǵaldyrdy.
Nátıjesinde totyqus 10 túrli tústi nebári 33,50 sekýndta durys sáıkestendirip shyqty.
Sáogýıdiń ıesi Sın Fen ony 2020 jyly balapan kezinde qolǵa alyp, qolmen asyraǵan. Sodan beri ekeýiniń arasynda berik baılanys ornaǵan. Qojaıyn qustyń túrli oıynshyqtarǵa, ásirese tústi sharlarǵa qyzyǵýshylyǵyn baıqap, ony tústerdi ajyratýǵa úırete bastaǵan.