Almaty qalasy ákimdigi jaryqtandyrýdyń sheber-josparyn ázirledi. Qujat 2025 jyly 22 tamyzda bekitilmek.
Jospar júzege asqanda jyl sońyna deıin jaryq júrgizilmegen aýmaqtar, kósheler, trotýarlar men jaıaý júrginshi aımaqtaryna jaryq tartylyp, qoldanystaǵy jaryq júıeleri zamanaýı talaptarǵa saı jańǵyrtylmaq. Qala túngi ýaqytta da jarqyrap, turǵyndardyń qaýipsizdigi men jaılylyǵy arta túspek.
Jyl basynan beri Almatyda 15 myńnan astam sham men 5,6 myń torsher ornatyldy, syrtqy jaryqtandyrýdy basqarýdyń 520 shkafy jańǵyrtyldy. Buǵan qosa, buryn kóshe jaryǵy bolmaǵan 200-den astam aýmaq jaryqtandyryldy, tonnelder men jolaıyryqtarda 150 projektor aýystyryldy. Qalanyń negizgi kóshelerinde aǵashty sándik jaryqtandyrý úshin shamamen 1000 jaryq núktesi ornatyldy. Mamyr aıynan bastap 70 nysanǵa sáýlettik jaryq berý jumystary qolǵa alynǵan. Sonymen qatar jaıaý júrginshiler aımaqtarynda qalany kóriktendirý aıasynda torsher shamdaryn ornatý bastaldy.
Aldaǵy ýaqytta Óńirlik komýnıkasıalar qyzmetinde «Almaty Qala Jaryq» MKK basshylyǵynyń qatysýymen brıfıń ótkizip, jýrnalısermen birge jaryq máselesi sheshilgen jáne áli de retteletin aýmaqtarǵa barý josparlanyp otyr.