Regbı-7 sportynan Monakoda ótip jatqan Tokıo olımpıadasyna irikteý týrnırin qazaqstandyqtar sátsiz aıaqtady, dep habarlaıdy Olympic.kz.
Anna Iakovleva jattyqtyratyn Qazaqstan quramasy týrnırdiń jartylaı fınalyna shyqqan edi. Alaıda bul kezeńde Reseı quramasynan 0:38 esebimen jeńildi.
Qazaqstan buǵan deıin toptyq syndy jaqsy ótkizdi. Aldymen Týnıs quramasyn 12:0 esebimen tuqyrtsa, ekinshi jarys kúninde Papýa jáne Jańa Gvıneıa quramasyn 17:10 esebimen qapy qaldyrǵan edi.
Osylaısha, regbıshiler Tokıo Olımpıadasyna qatysý quqyǵyna qol jetkize almady. Ázirshe sporttyń oıyn túrlerinen eshbir komandamyzda olımpıada joldamasy joq.