Senat tóraǵasy Máýlen Áshimbaev AES salý máselesine qatysty respýblıkalyq referendýmda elordadaǵy №164 ýchaskede óz daýysyn berdi.
«Búgin – tarıhı, ári óte mańyzdy kún. Referendým – Qazaqstannyń demokratıalyq damý jolyndaǵy úlken qadam. Prezıdentimiz Qasym-Jomart Toqaevtyń "halyq únine qulaq asatyn memleket" tujyrymdamasy aıasynda el bolashaǵyna qatysty mańyzdy máselelerde halyqtyń pikiri eskerilip jatqanyn kórip otyrmyz», – dedi Máýlen Áshimbaev daýys bergen soń BAQ ókilderine.
Senat spıkeri referendýmnyń elimizde jańa saıası mádenıetti qalyptastyrýǵa baǵyttalǵanyn atap ótti.
«Mundaı mańyzdy is-sharalarda halyqtyń pikirin tyńdap, eskerip, memlekettik organdar sheshim qabyldaıtyn bolsa, biz óz maqsattarymyzǵa jetemiz. Qazaqstandy damyǵan demokratıalyq memleket retinde qalyptastyrý úshin qazaqstandyqtardyń daýsy asa mańyzdy. Bárimiz birlesip, Qazaqstandy ádiletti, demokratıaly memleket retinde qalyptastyrýǵa úles qosamyz», – dep atap ótti Áshimbaev.