Áıelder boksy boıynsha Parıjdegi XXXIII jazǵy Olımpıada oıyndarynyń qola júldegeri Nazym Qyzaıbaı Almatydaǵy saılaý ýchaskeleriniń birinde daýys berip, AES qurylysy boıynsha referendýmǵa qatysty.
Ataqty sportshy óziniń azamattyq paryzyn alǵashqylardyń biri bolyp oryndap, azamattardy referendýmda daýys berýge shaqyrdy.
"Men daýys berdim jáne árkim óz tańdaýyn jeke senimderine qaraı jasaýy kerek dep sanaımyn. Árbir daýys mańyzdy, bizdiń otandastarymyz bul máselede belsendi bolatynyna senimdimin", - dedi Nazym Qyzaıbaı.
Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótýde. Almaty ákimi Erbolat Dosaev jubaıymen birge №48 mektep-lıseıdegi №388 saılaý ýchaskesine kelip, alǵashqylardyń biri bolyp daýys berýge qatysty. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.