Saıası shara men Konstıtýsıaǵa engiziletin túzetýlerdiń mańyzdylyǵyn depýtattar túsindiredi.
Aldaǵy jalpyulttyq referendým jáne azamattar men memlekettiń quqyqtaryn qorǵaý tetikterin kúsheıtetin negizgi zańǵa engiziletin ózgerister elimizdiń barlyq óńirinde talqylanyp jatyr. Osy maqsatta halyq qalaýlylary turǵyndarmen kezdesýler ótkizýde, dep habarlaıdy Almaty-akshamy.kz
"Saılaýdaǵy úlken bir másele. Memleket basshysy usynǵan sýper prezıdenttik júıeden prezıdenttik parlamenttik júıege aýysý. Bul óte oryndy dep esepteımin. Sebebi Prezıdent bir qatar óziniń ókiletterinen bas tartyp Parlamentke berip otyr. Bul óte quptarlyq", - dedi QR Parlamenti Senatynyń Depýtaty Abdaly Nuralıev.
Jalpy, ózgerister men tolyqtyrýlar Ata zańdaǵy 33 bapqa engizilmek. Qostanaı oblysynyń qadaǵalaý organynda Parlament Senatynyń depýtaty Vladımır Volkov prokýratýra qyzmetkerlerimen kezdesti. Senatordyń aıtýynsha, óńir turǵyndaryn jer, zań aldyndaǵy teńdik pen adam quqyqtaryn qorǵaýǵa qatysty túzetýler kóbirek qyzyqtyrady. Bul rette Konstıtýsıaǵa engizilgen tolyqtyrýlar prokýratýra organdary qyzmetiniń tártibin aıqyndaıdy. Onyń ókilderi konstıtýsıalyq sotta azamattardyń múddesin qorǵaıtyn bolady.
"Qazir túrli quqyqtyq normalardy Konstıtýsıalyq keńes túsindiredi. Alaıda halyq ol organǵa tikeleı júgine almaıdy. Onyń jumysy keler jylǵa deıin jalǵasady. Al 2023 jyldan bastap adamdardyń aryzyn qaraıtyn Konstıtýsıalyq sot qurylady. Bul organnyń bolýy – zań ústemdiginiń bir belgisi dep túsinýimiz kerek", - dedi QR Parlamenti Senatynyń Depýtaty Vladımır Volkov.