Bıletter quny memleketaralyq tarıf boıynsha belgilengen.
Maýsym aıynan bastap Qyrǵyzstannyń úsh memleketaralyq poıyzynyń Qazaqstan aýmaǵy arqyly Reseıge qatynaýy qaıta bastalady, dep habarlaıdy Almaty-akshamy.kz «Qazaqstan temir joly» UK» AQ baspasóz qyzmetine silteme jasap.
- №17/18 «Bishkek-Samara» poıyzy Bishkekten 8 maýsymnan bastap, Samaradan 10 maýsymnan bastap aptasyna 2 retten qatynaıdy;
- №305/306 «Bishkek - Shý/Qazan» poıyzy Bishkekten 6 maýsymnan bastap, Qazannan –9 maýsymnan bastap aptasyna 1 retten qatynaıdy. №113/114 poıyzy «Almaty-Qazan» poıyzynyń quramymen Shý stansıasyna da qatynaıdy;
- №385/386 «Bishkek – Novosıbırsk» poıyzy Bishkekten 9 maýsymnan bastap, Novosıbırskiden 11 maýsymnan bastap 8 kúnde 1 ret qatynaıdy.
Qazaqstan aýmaǵy boıynsha joǵaryda kórsetilgen poıyzdarǵa jolaýshylardy otyrǵyzý/túsirý júzege asyrylady.
Bıletter quny memleketaralyq tarıf boıynsha belgilengen. Baǵalardy www.bilet.railways.kz. saıtynan naqtylaýǵa bolady. Jolaýshylar poıyzdarynyń júrý tártibi týraly anyqtamalyq aqparatty «1433» nómiri boıynsha alýǵa bolady.