Sý tasqyny qaýpi áli de joǵary.
Brazılıanyń soltústik-shyǵysyndaǵy Pernambýko shtatynyń bıligi demalys kúnderi sý tasqynynan 91 adam qaza taýyp, jıyrmadan astam adam iz-túzsiz joǵalǵanyn rastady, dep habarlaıdy Almaty-akshamy.kz Egemen.kz cilteme jasap.
Resmı málimdemede iz-túzsiz joǵalǵandar tiziminde júzdegen shtat pen federaldy qutqarýshylar 26 adamdy izdestirýde.
Brazılıa Prezıdenti Djeır Bolsonaro dúısenbide Pernambýko shtatynyń astanasy Resıfı men kórshiles Jaboatao-dýs-Garapestiń zardap shekken aýdandarynyń ústinen ushyp ótti. Osydan keıin tilshilerge bergen suhbatynda ol tikushaqtyń qonýy topyraqtyń ylǵaldylyǵynan múmkin bolmaǵanyn aıtty.
«Árıne, bárimiz de qynjyldyq. Otbasy múshelerine kóńil aıtamyz. Bizdiń basty maqsatymyz - otbasylardy jubatý, sonymen qatar materıaldyq quraldardy paıdalana otyryp, halyqqa kómek kórsetý», - dedi Memleket basshysy.
Sarapshylar klımattyń ózgerýi jaýyn-shashynnyń kúsheıýine yqpal etip jatqanyn aıtady.
Shtattyń Azamattyq qorǵanys basqarmasy sý tasqyny qaýpiniń áli de joǵary ekendigi týraly eskertý jasady.