Konstıtýsıalyq sot qurylady
Bul týraly QQDI sarapshysy, saıasattanýshy Baýyrjan Serikbaev aıtty, dep habarlaıdy Almaty-akshamy.kz.
«Prezıdentimiz referendým ótkizý qajettigin atap ótti. Demek referendým arqyly reformalardyń barlyǵy halyqtyń tańdaýyna usynylatyn bolady. Referendým degenimiz demokratıanyń bir kórinisi. Sońǵy usynylyp jatqan ózgeristerge sáıkes aýdandyq, qalalyq máslıhattar azamattardyń ózin-ózi usynýy boıynsha saılanady. Oblystyq máslıhattar 50%-y partıalyq, 50%-y mojarıtarlyq júıe boıynsha saılanady»,-dedi ol.
Aldaǵy ýaqytta oblys ákimderi janama saılaý boıynsha tańdalady. Iaǵnı, sol oblystan kemi eki kandıdat usynylyp, máslıhat depýtattarynyń daýys berýimen sheshiledi. Sonymen qatar Konstıtýsıalyq sot qurylady. Konstıtýsıalyq quqyǵym buzyldy degen kez kelgen azamat atalǵan sotqa shaǵymdana alady. Adam quqyqtary jónindegi ókildiń quzyretteri de Konstıtýsıada belgilenedi.
«Referendým arqyly halyqtyń pikirimen sanasý durys baǵyt. Sebebi, halqymyzben aqyldasyp, ár azamattyń pikirin eskerý arqyly ǵana Jańa Qazaqstandy qura alamyz»,-dedi sarapshy.