Júrgizýshi jyrtqyshtardy ózbekstandyq sırkke apara jatqan
Reseıden tórt qonjyqty ruqsatsyz áketip bara jatqan azamat ustaldy, dep habarlaıdy Almaty-akshamy.kz QazAqparatqa silteme jasap.
Qujat boıynsha Zıta, Gıta, Chýk jáne Gek dep atalatyn eki aılyq qonjyqtar Orynbor oblysy kedenshileri Sagarchın aýyly mańynda toqtatqan kóliktiń ishinen tabylǵan. Júrgizýshiniń qolynda atalǵan ańdardy Reseı aýmaǵynan shyǵarýǵa ruqsat qujaty bolmaǵan.
Qońyr aıý - jer betinen joǵalyp bara jatqandyqtan Qyzyl kitapqa engizilgen, Jabaıy faýna men flora túrleriniń halyqaralyq saýda konvensıasy aıasynda qorǵalatyn janýar.
Qujat boıynsha jergilikti syzrandyq kásipker ony Ózbekstan azamatyna syılaǵan. Júrgizýshiniń sózine sensek, ol jyrtqyshtardy ózbekstandyq sırkke apara jatqan. Qazirgi tańda Reseı qylmystyq kodeksiniń 226-baby 1-bólimi boıynsha tergeý júrip jatyr.