A.Baıtursynuly týraly derekti fılm kórsetildi
Ahmet Baıtursynulynyń 150 jyldyǵy jáne Roza Baǵlanovanyń 100 jyldyǵyn merekeleý aıasynda Qazaqstannyń Qytaıdaǵy elshiliginde ataqty mereıtoı ıelerine arnalǵan saltanatty is-shara ótti, dep habarlaıdy Almaty-akshamy.kz SİM baspasóz qyzmetine silteme jasap.
İs-shara aıasynda qazaq dıasporasynyń ókilderi men qazaqstandyq jas urpaq úshin uly qazaqstandyq qaıratkerlerdiń ómiri men shyǵarmashylyǵyna arnalǵan dáris uıymdastyrylyp, qazaq jazýynyń damýyna eleýli úles qosqan A.Baıtursynuly týraly derekti fılm kórsetildi.
Shyǵarmashylyq kesh sheńberinde A.Baıtursynuly jáne R.Baǵlanovanyń mereıtoılyq kúnderine arnalǵan poshtalyq hatqaltalardyń tusaýkeseri ótkizildi. Atalǵan hatqaltalardy Elshilik qytaılyq «Beijing Diplomatic Gift Co. Ltd.» kompanıasymen birlesip basyp shyǵardy.
A.Baıtursynulynyń tanymal shyǵarmalaryn nasıhattap, án shyrqyrap bı bılegen qazaqstandyq jáne qytaı jastary merekelik is-sharaǵa erekshe kóńil kúı syılady.