Búginde jazasyn ótep jatqan 1000 adam bostandyqqa shyǵady. Qoǵamǵa budan bylaı qaýip tóndirmeıtin qylmyskerlerge raqymshylyq jasalmaq dep habarlaıdy almaty-akshamy.kz
Qazaqstan Táýelsizdiginiń otyz jyldyǵyna oraı qolǵa alynǵan shara aıasynda áıelder, egde jastaǵy er azamattar men kámelet jasyna tolmaǵandardyń jazasyn jeńildetý qarastyrylǵan. Al paramen ustalǵan azamattarǵa raqymshylyq jasala ma?
Raqymshylyq týraly zań jobasy teris qylyǵy úshin nemese onsha aýyr emes, sondaı-aq aýyrlyǵy ortasha qylmysy úshin isti bolǵandardyń jazasyn jeńildetip, keıbirin tipti bosatýdy kózdeıdi. Mundaı raqymshylyq 1 myń adamǵa jasalady.
Probasıada turǵan 11 myńnan astam qylmyskerdiń jazasy jeńildese, taǵy 1 294 adamnyń jazasyn óteý merzimi qysqarady. Ústinen tergeý isi endi bastalǵan 1 674 azamat qylmystyq jaýapkershilikten múlde bosatylýy múmkin.
Jalpy, elimizde 34 myń azamat qazir túzetý mekemelerinde jazasyn ótep jatyr.
– Raqymshylyq ardagerlerge, kámelettik jasqa tolmaǵandarǵa, egde jastaǵylarǵa, 1 jáne 2 toptaǵy múgelekterge, sondaı-aq qoǵamǵa qaýip tóndirmeıtinderge qoldanylady. Zań jobasy memlekettik organ ókilderimen, qoǵam qaıratkerlerimen, jáne sarapshylarmen talqylandy - deıdi QR İshki ister mınıstri Erlan Turǵymbaev.