Almaty polısıasy qala shetindegi 75 myńnan astam turǵyn úıdi tekserdi dep habarlaıdy almaty-akshamy.kz Almaty PD-tine silteme jasap.
Esterińizge sala keteıik, osy jyldyń 1 qyrkúıegi men 1 jeltoqsany aralyǵynda Almaty qalasynda problemalyq máselelerdi zerdeleý, aldyn alý jáne quqyq buzýshylyqtardyń aldyn alý úshin ákimshilik aımaqta halyqty barynsha qamtýǵa baǵyttalǵan «Ýchaske» respýblıkalyq jedel-aldyn-alý is-sharasy ótkizilýde.
Biz júrgizip jatqan páter jáne aýla ákimshilik aımaqtaryn aralaý, birinshi kezekte qylmystyq ahýaldy jaqsartýǵa, zańsyz árekettermen aınalysatyn turǵyndardy, kúdikti azamattardy, páterler men úılerdi zańsyz jalǵa berý faktilerin anyqtaýǵa baǵyttalǵan. Bul is-sharalar quqyq buzýshylyqtyń aldyn alý maqsatynda da ótkizilýde, – deıdi Naýryzbaı aýdandyq PB bastyǵy Dıdar Ahanov.
Onyń aıtýynsha, jedel shara barysynda ýchaskelik polısıa ınspektorlary ózderine bekitilgen ákimshilik ýchaskelerdegi túrli quqyqbuzýshylyq jasaǵan adamdardy anyqtaý jáne ishki ister organdarynda esepte turǵan azamattardy tekserý maqsatynda aýla men páter aralaý jumystaryn júrgizilýde.
Sondaı-aq, jaldamaly páterler, bazarlar men basqa da saýda oryndary, turmysy nashar otbasylar, qoǵamǵa jat áreketter men qaraýsyzdyq faktileriniń jolyn kesý úshin jastar men kámeletke tolmaǵandar shoǵyrlanatyn oryndar, azamattyq qarý ıeleri men sheteldikter tekserilýde. Sonymen qatar, saıajaılardy, qurylys nysandaryn, onyń ishinde toqtatylǵan jáne qaraýsyz qalǵandardy, shatyrlar men jertólelerdi tekserý júrgiziledi, – dedi D.Ahanov.
Anyqtama úshin: JAİ bastalǵaly Naýryzbaı aýdany aýmaǵynda barlyǵy 75 myń 960 ǵımarat tekserildi, onyń ishinde:
– kópqabatty úılerdegi páterler – 44 myń 950,
– jeke úıler – 30 myń 990,
– jaldamaly páterler – 320,
– saıajaılar – 4 myń 804.