Stambuldaǵy 40 myń adamdyq Beshiktash stadıonynda Dımash Qudaıbergenniń konserti ótti.
Erekshe keshke álemniń qyryq bir elinen ónerpazdyń jankúıerleri jınaldy. Konsertte Dımash óziniń burynnan belgili hıt ánderimen qatar jańa týyndylardy da shyrqady. Ánshiniń otyz jasqa tolǵan mereıtoıyna oraı «Beıtanys» atty án keshin uıymdastyrǵan «RAMS KAZAKHSTAN» halyqaralyq kompanıasy, dep habarlaıdy Almaty-akshamy.kz.
Dımashtyń Stambuldaǵy konsertine álemniń ár túkpirinen jınalǵan jankúıerleri ádettegideı ónerpazben birge án shyrqap, oǵan erekshe qoldaý kórsetti.
Osy ádemi keshti uıymdastyrǵan Rams Global 1988 jyly qurylys kompanıasy retinde qurylǵan. 1997 jyldan beri Qazaqstan naryǵynda jumys isteıdi. Búginde ol medıa, týrızm, medısına sıaqty segiz túrli baǵytta jumys isteıtin alpaýyt halyqaralyq kompanıaǵa aınaldy.
Evgenıa Qojahmet,«RAMS QAZAQSTAN» kompanıasynyń PR dırektory:
«RAMS QAZAQSTAN» kompanıasy búginge deıin turǵyn úı jáne komersıalyq nysandar salýmen tanylǵan edi. Biz qazir tek qurylys emes, áleýmettik jáne mádenı jobalardy da júzege asyryp kelemiz. Ásirese qazaq ónerin shetelde tanytý úshin kóptegen aýqymdy jumystar atqardyq. Dımashtyń búgingi konserti sonyń aıǵaǵy.
Tek Almatyda 60-tan asa nysan salǵan «RAMS QAZAQSTAN» kompanıasy Búginde Germanıa, Reseı, Birikken arab ámirlikteri sıaqty alty elde jobalary bar. Sondaı-aq sońǵy jyldary medıa salasyna da ilkimdi isterdi qolǵa aldy.
Jem Jırıtdjı, «RAMS QAZAQSTAN» kompanıasy bas dırektorynyń orynbasary:
Qazaqstannyń tanymal óner adamdaryn Túrkıaǵa ákelip, bizdiń juldyzdardy Qazaqstanǵa aparý josparymyz bar. Sonymen qatar «Geın medıa» atty platformamyz da bar. Bul platformada túrli serıal, fılm jáne derekti fılmder kórsetiledi. Keleshekte «Geın medıa» Qazaqstan naryǵynda da jumys isteı bastaıdy.
«RAMS QAZAQSTAN» - áleýmettik jaýapkershiligi mol kompanıa. Zamanaýı tehnologıalardy paıdalana otyryp salǵan mektep, emhana, saıabaq sıaqty nysandary búginde halyq ıgiligine jumys istep tur.