Mamyrdyń 28-ine jasalǵan kún raıynyń boljamy.
«Qazgıdromet» RMK derekterine qaraǵanda, elimizdiń batys óńirleri aýqymdy ańtısıklon yqpalynda bolǵandyqtan, munda kún ashyq bolady, dep habarlaıdy Almaty-akshamy.kz.
Elimizdiń qalǵan aýmaqtarynda sıklon jáne onymen baılanysty atmosferalyq aǵyndar áserinen, kún áli de qubylmaly bolady, jańbyr jaýyp, naızaǵaı oınaıdy, túnde elimizdiń soltústik-shyǵysynda, shyǵysynda qatty jańbyr jaýyp, túnde Qazaqstannyń soltústiginde, ortalyǵynda jaýyn-shashyn, elimizdiń shyǵysynda jaýyn-shashyn qar, jańbyr jaýady.
Respýblıka boıynsha ekpindi jel soǵyp, soltústikte, shyǵysta burshaq jaýady, daýyl turyp, soltústik-batysta, shyǵysta túnde tuman túsedi.
Túnde Aqmola oblysynyń batysynda, soltústiginde, shyǵysynda, Ulytaý, Qaraǵandy, Aqtóbe oblystarynyń soltústiginde, Soltústik-Qazaqstan, Qostanaı oblystarynyń batysynda, ońtústiginde Almaty oblysynyń taýly aýdandarynda 1-3 gradýs úsik júredi.
Qostanaı oblysynyń ońtústiginde, Atyraý oblysynyń batysynda, ońtústiginde, Qyzylorda oblysynyń shyǵysynda, Batys Qazaqstan oblysynyń batysynda, ońtústik-batysynda joǵary órt qaýipi saqtalady.
Jetisý oblysynyń shyǵysynda, Túrkistan oblysynyń shóldi aýdandarynda tótenshe órt qaýipi saqtalady.