Úkimettegi kadr saıasaty Prezıdenttiń quzyrynda.
Qazaqstan Prezıdenti Qasym-Jomart Toqaev kúzge qaraı Úkimette kadrlyq sheshimder bolýy múmkin ekenin aıtty. Bul jaıynda memleket basshysy Úkimettiń keńeıtilgen otyrysynda aıtqan bolatyn. Tanymal qazaqstandyq ekonomıs, ári «Turan» ýnıversıtetiniń rektory Rahman Alshanov Úkimettegi kadr saıasaty Prezıdenttiń quzyrynda ekenin aıtty, dep habarlaıdy Almaty-akshamy.kz.
Sarapshynyń pikirinshe, úkimette eńbekqor adamdar otyrýy tıis.
«Úkimettegi kadr saıasaty Prezıdenttiń quzyryndaǵy dúnıe. Ol kadrlyq sheshimder kúzde qabyldanýy múmkin ekenin aıtty. Úkimet músheleriniń qurmetti ári jaýapty qyzmetterinde kúndiz-túni tynymsyz jumys isteıtin azamattar júrýi tıis, dep esepteımin. Eýropa astanalarynda «mınıstrlik týrızmmen» aınalyspaı, aımaqtardy aralap, halyqtyń tynys-tirshiligimen tanysyp, halyq pen bıznesti qoldaý úshin ne isteý kerektigin anyqtaýy tıis», - deıdi Rahman Alshanov.