Almatyda konkýrstyq komısıanyń sheshimimen Qoǵamdyq densaýlyq saqtaý basqarmasyna jańa basshy taǵaıyndaldy, dep habarlaıdy Almaty-akshamy.kz Inform.kz-ke silteme jasap.
Qala ákimdiginen habarlaǵandaı, Qoǵamdyq densaýlyq saqtaý basqarmasynyń basshysy bolyp Iran Shametekov keldi.
Iran Shametekov 2000 jyly Aqtóbe memlekettik medısına akademıasyn «Emdeý isi» mamandyǵy boıynsha bitirgen.
2000-2001 jyldary Batys Qazaqstan medısına akademıasynda «Hırýrgıa» mamandyǵymen ınternatýradan ótti.
2006 jyly D.A. Qonaev ýnıversıtetin «quqyqtaný» mamandyǵy boıynsha aıaqtady. Fılosofıa jáne qoǵamdyq densaýlyq saqtaý doktory ǵylymı ataǵy bar.
Ár jyldary Qyzylorda oblysynyń Densaýlyq saqtaý basqarmasynyń bastyǵy, Nur-Sultan qalasy Densaýlyq saqtaý basqarmasy bastyǵynyń orynbasary bolyp eńbek etti. Jambyl oblysy boıynsha komıtet departamentin basqardy.
Sońǵy eńbek etken orny – elordadaǵy №3 kópbeıindi balalar aýrýhanasynda bas dáriger.