Almatyda «Tartyl Fest» týrnıkten tartylý respýblıkalyq festıvali ótip jatyr. Sporttyq is-sharaǵa almatylyq turǵyndar úlken yntamen qatysyp, alǵan áserin bólisýde.
Almaty qalasynyń turǵyny, «Tartyl Fest»-ke qatysýshy Majytbaı Meıirjan bylaı dedi:
«Ózim burynnan Workout sportyna qyzyǵam. «Dara» qorynyń uıymdastyrýymen ótken bul is-sharany áleýmettik jelilerden kórip, birden qatysqym keldi. Búgin óz kúshimdi synap, júldeli oryndardyń birinen kórinemin degen oıdamyn. Tóreshilerdiń baqylaýymen 40 ret tartyldym.
Uıymdastyrý deńgeıi óte jaqsy, mundaı sharanyń ótýine sebepker bolǵan barlyq adamdarǵa alǵys aıtqym keledi. «Tartyl Fest» syndy buqaralyq sportty damytatyn iri sporttyq merekeler jastar úshin kerek. Workout-ty el ishinde damytatyn mundaı sharalar kóp bolatyn bolsa, azamattarymyz álemdik arenada úlken jetistikterge jetetinine senimdimin».
Almaty qalasynyń turǵyny, «Tartyl Fest»-ke qatysýshy Ádilkereı Qasymuly da óz áseri týraly oıyn ortaǵa saldy:
«Festıvál týraly dostarymnan estip, búgin qatysýǵa keldim. «Tartyl Fest»-ke qatysýǵa ishki motıvasıa men damýǵa degen talpynys sebep boldy. Sharanyń qalaı úlken aýqymda uıymdastyrylǵany jáne barlyq saıystyń erejelerge saı ótip jatqany unady. Týrnıkke tartylǵan kezde barlyq qatysýshyny tóreshiler baqylap, nátıjeni jazyp alyp otyr.
Áskerde 47 ret tartylatynmyn. Biraq biraz ýaqyttan beri sportpen aınalyspaı ketkendikten búgin 27 ret tartyldym. Bul da men úshin jaqsy nátıje. Degenmen búgin is-shara qaıtadan sportpen aınalysýǵa úlken serpilis bermek. Aldaǵy ýaqytta óz rekordymdy jańartamyn!»