Qyzylorda oblysynda aqqýdy ustap, óltirgen adam anyqtaldy, dep habarlaıdy Almaty-akshamy.kz Rolisia.kz silteme jasap.
22 jeltoqsanda áleýmettik jelide aqqýdy ustap, óltirgen adam týraly beınejazba jarıalandy. Osyǵan baılanysty oblystyq polısıa departamenti tarapynan jedel túrde tekserý jumystary júrgizildi.
«Oqıǵa boıynsha osy kúnge deıin polısıa departamentine tirkelmegen. Beınejazbadan soń is materıaldary Syrdarıa aýdandyq polısıa bóliminiń «Aqparatty esepke alý kitabyna» tirkeldi. Nátıjesinde beınejazbadaǵy oblystyń 26 jastaǵy turǵyny anyqtalyp, polısıa bólimine jetkizildi. Tekserý barysynda atalǵan oqıǵanyń 2013 jyly balyq aýlaý kezinde kúrishtik kanalynyń jaǵasynda bolǵany, beınejazbaǵa túsirilgendigi anyqtaldy», - dep málim etti Qyzylorda oblystyq polısıa departamentinen.
Vedomstvo málimetinshe, tekserý qorytyndysyna qaraı onyń is-áreketine quqyqtyq baǵa berilip, túpkilikti sheshim shyǵarylady.