Jergilikti atqarýshy organdardyń ruqsatymen Qazaqstan aýmaǵynda 13 951 shetel azamaty eńbek etip júr, dep habarlaıdy Almaty-akshamy.kz QazAqparatqa silteme jasap.
Shetel jumys kúshin (SHJK) tartýǵa ruqsattyń arasynda mynadaı sanattar bar: basshylar men olardyń orynbasarlary úshin 568 ruqsat (birinshi sanat), qurylymdyq bólimshelerdiń basshylary úshin 3 017 ruqsat (ekinshi sanat).
Tartylǵan SHJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 436 jáne 810 adam.
Sondaı-aq maýsymdyq jumystarǵa 564 adam, al korporatıvtik aýystyrý aıasynda 1 556 adam tartyldy.
Qazirgi ýaqytta Qazaqstanda SHJK paıdalanatyn 1 679 jumys berýshi bar. Olarda 384 myńnan astam Qazaqstan azamaty jumys isteıdi, bul - qyzmetkerlerdiń jalpy sanynyń 97%-y.
Ekonomıkalyq qyzmet túrleri boıynsha eń kóp jumys isteıtinder: qurylys salasynda – 5 780 adam (42%); taý-ken ónerkásibi jáne karer qazý – 1 476 adam (11%); kásibı, ǵylymı jáne tehnıkalyq qyzmet – 1 057 adam (8%); óńdeý ónerkásibi – 953 adam (7%); aýyl, orman jáne balyq sharýashylyǵy – 547 adam (4%).
Eńbek mıgranttary keletin negizgi elder: Qytaı – 3 518 adam, Úndistan – 1 645 adam, Túrkıa – 1 577 adam, Ulybrıtanıa – 1 091 adam, Ózbekstan – 693 adam.