Aqmola turǵyny kıberalaıaqtarǵa 30 mln teńge aýdarǵan, dep habarlaıdy Almaty-akshamy.kz Polisia.kz silteme jasap.
Tártip saqshylary aqshany krıptovalútaǵa, aksıalarǵa, baǵaly metaldarǵa, iri munaı korporasıalaryna jáne t.b. ınvestısıalaý arqyly úlken dıvıdendter beretin kúmándi jobalarǵa aqsha salmaýdy usynady.
Polıseılerdiń aıtýynsha, kıbershabýyldar gıpnoz jáne NLP ádisterin qoldanady, sodan keıin adamdar ne bolyp jatqanyn tıisti túrde baǵalaı almaıtyndyǵyn paıdalanady.
Máselen, 19 jeltoqsanda Aqmola oblysynyń turǵyny polısıaǵa alaıaqtyq týraly aryzben júgindi. Áıel YouTube qosymshasynda birneshe ret “Halyq banki” jáne “QazMunaıGaz”platformalarynda aqshalaı qarajatty tıimdi ınvestısıalaý týraly habarlandyrýlarǵa tap bolǵanyn aıtty. Qyzyǵýshylyq tanytqan áıel óziniń nómirin qaldyrǵan, keıinirek oǵan belgisiz adam qońyraý shalǵan.
Qosymsha tabys syltaýymen er adam keıinnen ınvestısıalyq alańda tabys tabý úshin banktik shotyna aqsha aýdarýdy suraǵan. Keıin jábirlenýshimen ártúrli “menedjerler” salymshy retinde jumys isteı bastaǵan.
Olardyń basshylyǵymen áıel bir aıda saýda alańynyń shotyna shamamen 30 mln teńge aýdarǵan, osy maqsattar úshin jábirlenýshi dostary men týystarynan mıllıondaǵan somany qaryzǵa, sondaı-aq túrli bankterden nesıe alǵan. Keıinirek aqshany alýǵa tyrysyp, ótinish berýshi ártúrli kedergilerge tap boldy jáne alaıaqtardyń qurbany bolǵanyn túsindi.
Shortandy polısıa bólimi osy fakt boıynsha QR QK-niń 190-babynyń 4-bóligi (Alaıaqtyq) boıynsha sotqa deıingi tergeýdi bastady. Kúdiktilerdiń jeke basyn anyqtaý boıynsha jedel izdestirý is-sharalary júrgizilip jatyr.