Sotqa deıingi tergeý júrgizilip jatyr
Qyzylorda oblysyndaǵy jappaı tóbelestiń vıdeosy tarady. Vıdeodan jigitterdiń qoldaryna taıaq alyp, bir-birine tas laqtyrǵanyn kórýge bolady, – dep habarlaıdy Almaty-akshamy.kz Elorda.info-ǵa silteme jasap.
Qazaly aýdandyq polısıa bóliminde 1 qańtarda Qyzylorda oblysy Qazaly aýdanynda bolǵan buzaqylyq deregi sotqa deıingi tergeýdiń biryńǵaı tiziliminde tirkelgeni habarlandy.
«Polısıa bólimine shaǵym, ótinish túsken joq. Sondaı-aq, aýdandyq aýrýhanaǵa eshkim medısınalyq kómek surap júgingen joq», – dedi vedomstvo ókili.
Bul iske qatysty Qylmystyq kodekstiń 293-baby (Buzaqylyq) boıynsha sotqa deıingi tergeý júrgizilip jatyr.
«Oqıǵa ornynan polısıa qyzmetkerleri polısıa bólimine 8 azamatty jetkizdi. Oqıǵanyń mán-jaıy anyqtalyp jatyr», – dep málimdedi aýdandyq polısıa bóliminiń qyzmetkerleri.